Ona tili va adabiyot, davlat tili fan oyligida maktabning barcha o`qituvchilari tomonidan innovatsion ochiq darslar, qiziqarli tanlovlar , turli tadbirlar o`tkazildi.
Jumladan, Hakimova Z. B. tomonidan 6-sinflarda “Kuzgi ishlar” mavzusida ochiq dars hamda 6-sinf o`quvchilari orasida “Ertaklar – yaxshilikka yetaklar” ko`rik-tanlovi o`tkazildi. “Kuzgi ne`matlar” mavzusidagi ochiq darsda o`quvchilarga kuz fasli va unda qilinadigan ishlar yuzasidan ma`lumot berildi. O`quvchilarning og`zaki nutqini rivojlantirishga alohida ahamiyat berildi. “Ertakalar – yaxshilikka yetaklar” tanlovida barcha rusiyzabon 6-sinflar ishtirok etdi. Ular tomonidan o`zbek xalq ertaklaridan lavhalar namoyish etildi.
O`zbek tili fani o`qituvchisi Abduxalikova X. X. 4-sinflarda “Kuzgi ishlar”, ona tili va adabiyoti fani o`qituvchisi Qodirova D. I. 7-sinflarda “Yaxshilika va yaxshi so`z” kabi mavzularda ochiq darslar o`tdilar.
Ona tili va adabiyoti fani o`qituvchisi Zaripova R. M. tomonidan 5-sinflarda “Gapning ifoda maqsadga ko`ra turlari” mavzusida ochiq dars, 6-sinflarda “Til bilgan – el biladi” mavzusida tadbirlar o`tkazildi. Har ikkala tadbirda ham tilning jamiyatdagi o`rniga alohida ahamiyat berildi.
|
