Тошкент шаҳар Яшнобод туманидаги 307-Давлат ихтисослаштирилган умум-таълим мактабида 2016 йил 4-март куни “Ким эдигу ким бўлдик, эртага қандай марраларни эгаллашимиз керак?”мазмунидаги тарғибот тадбири бўлиб ўтди. Тадбирда элимиз ардоғидаги санъаткорлардан Ўзбекис-тон Халқ артисти Лутфулла Саъдуллаев, ўзбек миллий академик театрининг актриссаси Нигина Анорбоева, “Маънавият ва ҳаёт” журналининг бош редактори ,хизмат кўрсатган маданият арбоби , шоир Эшқобул Шукуров,Тошкент Давлат иқтисодиёт уни-верситети кафедра мудири доцент Убайдулло Ғофуров ва ёшларимизнинг севимли эстрада гуруҳи ”Афруз” қатнашди. Тадбир иштирокчилари ўқувчиларга Юртбошимизнинг “Ким эдигу ким бўлдик, эртага қандай марраларни эгаллаши-миз керак?” деган пурмаъно саволларига ҳар бир ёш авлод ўзининг эзгу амал ва самарали хизматлари билан рамзий маънода муносиб жавоб бериши муқаддас бурч эканлигини таъкидлаб ўтдилар.
|
